భారత్ నిలిచింది
జయ గీతిక పాడింది
నడకలు నేర్పింది
మోక్ష పదమును చూపింది.
……………………………… ||భారత్ నిలిచింది ||
విషపునాగును తాడుగా చేసి,
కొండను తెచ్చి కవ్వము జేసి,
పాల సంద్రమును చిలికినప్పుడే…
హాలాహలము భరించినప్పుడే
అమృతమొచ్చింది…
దైవత్వమ్మును తెచ్చింది
……………………………………… ||భారత్ నిలిచింది ||
గుండుకు గుండెను అడ్డుపెట్టితే
దేహముపై లాఠీలు ఆడితే
ఉరికొయ్యల ఉయ్యాలలూగితే…
అహింసతో నిటలాగ్నిరేపితే
స్వతంత్రమొచ్చింది
మనకు స్వరాజ్యమొచ్చింది.
……………………………………… ||భారత్ నిలిచింది ||
యుద్ధపిపాసులు, బద్ధ విరోధులు
ప్రజలందరిలో అశాంతి పెంచగ
వీరము ఇదియంటూ ధర్మ వీరము చూపింది యోగము చూపింది
భారత్ త్యాగము నేర్పింది
భారత్ నిలిచింది…
……………………………………… ||భారత్ నిలిచింది ||
సమాచారమున సవ్యసాచిగా
ఔషధి వైద్యములో విరించిగా
వైజ్ఞానికత లో జగద్గురువు గా
విశ్వమానవ విజయ గీతికై…
భారత్ ఎదిగింది….
……………………………………… ||భారత్ నిలిచింది ||
మానవాళికి మార్గదర్శిగా,
ఆధ్యాత్మికత కు చివరి మలుపుగా
లోకమంతటికి భగవద్గీత గా
భారత్ నిలిచింది…
ప్రపంచానికే
ప్రాణజ్యోతిగా భారత్ ఒదిగింది..
భారత్ నిలిచింది…
……………………………………… ||భారత్ నిలిచింది ||
Behind the heartbeats . గుండె చప్పుళ్ళ వెనక 