జతిన్ బాఘా

భారత స్వాతంత్ర పోరాటం లో అసువులు బాసిన అమర వీరుడు

జననం 7 డిసెంబర్ 1879 
మరణం 10 సెప్టెంబర్ 1915

బాఘా అంటే పులి అని అర్థం …. 
అసలు పేరు జతీంద్రనాథ్ ముఖోపాధ్యాయ బ్రిటిష్ ఇండీయా లో బెంగాల్ లోని  నాడీయా జిల్లాలోని కుశ్లియా గ్రామంలో జన్మించాడు. పసి ప్రాయంలోనె తండ్రిని కోల్పోయాడు.. జతిన్ మీద పెద్దమ్మ (వినోదిబాల, ప్రముఖ రచయిత్రి) ప్రభావం చాలా ఉంది.. 

ఉన్నత చదువుల కోసం కలకత్తా వెళ్ళినపుడు స్వామి వివేకానంద ను కలిసాడు. స్వామీజి ప్రభావం వల్ల, మానసికంగా, శారీరకంగా పటిష్టంగా తయారయ్యాడు. ఒకవైపు స్వామీజి తో, మరో వైపు విప్లవ సంఘాలతో సాన్నిహిత్యం పెరిగింది. ఒకసారి స్వంత గ్రామం వద్ద గల అడవిలో పులితో పోరాడి, అందరి ముందు పులిని చంపడం చూసి బాఘా అని పిలవడం ప్రారంభించారు.

1900 లో ‘అనుశీలన్ సమితి’ అనే రహస్యసంస్థను ప్రారంభించారు. యుగంతర్ పార్టీ లో ప్రధానమైన నాయకుడిగ పనిచేసాడు.. ఒకవైపు శ్రీ అరవిందో తో కలసి పనిచేస్తూ , మరోవైపు దేవఘర్ వద్ద బరీంద్రనాథ్ ఘోష్ తో కలసి బాంబు ఫ్యాక్టరీ ప్రారంభించారు. స్వతంత్రంగా పనిచేస్తు కేంద్ర సంఘానికి అనుబంధంగా ఉండే.. ప్రాంతీయ నెట్ వర్క్ బీహార్, బెంగాల్ ఒడిషా లలో ఏర్పరచాడు. 
తన మొదటి సంతానం మూడేళ్ళ కే  చనిపోవడంతో,  మానసికంగా ప్రశాంతతను పొందడానికి ఉత్తర భారత యాత్రలు చేసి, స్వామీ భోలానంద గిరి, స్వామీ నిరాలంబ ను కలుసుకుని తన లక్ష్యాన్ని మరింత  మెరగుపర్చుకున్నాడు.   

బ్రిటిష్ వారు జతిన్ పై 46 రకాల కేసులు పెట్టారు. మొదటి ప్రపంచ యుద్ధం లో జర్మనీ తో కలసి బ్రిటిష్ ఇండియా పై దాడి చేసి స్వాతంత్ర్యం తేవాలని పథకం రచించారు జతిన్ బాఘా. 
రాస్ బిహారీ బోస్ తోను అమెరికాలోని గదర్ పార్టి నాయకులతో కలసి ఈ పథకం అమలు చేయాలని ప్రయత్నించాడు. జర్మనీ తో ఒప్పందం కుదుర్చుకున్నారు.  జర్మనీ నుండి ఆయుధాల నౌక చేరుకునే ముందు, బ్రిటిష్ వారు రెండు వేల మంది తో జతిన్ ను చుట్టుముట్టారు. వారితో పోరాడుతూ బాలాసోర్ వద్ద జతిన్ వీర మరణం పొందాడు.
  

చార్లెస్ టెగహర్ట్ అనే ఆంగ్లేయ పోలీసు అధికారి జతిన్ గూర్చి లేఖ రాస్తూ, జతిన్ బ్రిటీషు వాడై పుట్టి ఉంటే, లండన్ లో ట్రాఫల్ఘర్ స్క్వేర్ లో విగ్రహం పెట్టె వాళ్ళం అని అభిప్రాయపడ్డాడు. ఇది ఒక్కటి చాలు జతిన్ వీరత్వం బ్రిటీషు వారిని ఎంతగా భయపెట్టిందో మనకు అర్థం అవడానికి.  

హసన్ముఖి